काठमाडौ,६पुसः एसीसी यू–१९ एसिया कप क्रिकेटको उपाधि पाकिस्तानले जितेको छ । आइतबार भएको फाइनल खेलमा चीरपरिचित प्रतिद्धन्द्धी भारतलाई १९१ रनको फराकिलो अन्तरले हराउँदै पाकिस्तान च्याम्पियन बनेकोे हो ।
पाकिस्तानले पहिले ब्याटिंग गरेर दिएको ३४८ रनको विशाल लक्ष्य पछ्याएको भारत २६.२ ओभरमा १५६ रनमै अलआउट हुन पुग्यो ।
त्यसअघि ओपनर टस हारेर पहिले ब्याटिङको निम्तो पाएको पाकिस्तानले ५० ओभरमा ८ विकेट गुमाएर ३४७ रन बनाएको थियो । उसका लागि समीर मिनहासले ११३ बलमै १७ चौका र ९ छक्कासहित १७२ रन बनाए भने अहमद हुसेनले ५६ रन जोडे ।बलिंग तर्फ भारतका लागि दीपेश देवेन्द्रनले ४ विकेट लिए । हेनिल पटेल र खिलान पटेलले २–२ तथा कनिष्क चौहानले १ विकेट लिए ।
प्रतियोगितामा सहभागी नेपाल भने समूह चरणका ३ वटै खेलमा हार बेहोरेर बाहिरिएको थियो ।