वीरगन्ज,८मंसिरः नेपाली बजारमा आज (सोमबार) सुनको मूल्यमा सामान्य गिरावट आएको छ। नेपाल सुनचाँदी व्यवसायी महासंघका अनुसार आज छापावाल सुन तोलाको दुई लाख ४२ हजार ७०० रुपैयाँमा कारोबार भइरहेको छ भने चाँदी तोलाको तीन हजार ११५ रुपैयाँ कायम भएको छ।
यसअघि आइतबार सुनको मूल्य तोलाको दुई लाख ४४ हजार ६०० रुपैयाँ निर्धारण भएको थियो। यस हिसाबले आज सुनको मूल्यमा प्रतितोला १९ सय रुपैयाँको गिरावट आएको छ।
त्यस्तै, चाँदीको मूल्य पनि घटेको छ। यसअघि तीन हजार १३५ रुपैयाँ प्रति तोला रहेको चाँदी आज २० रुपैयाँ सस्तो भएर तीन हजार ११५ रुपैयाँमा झरेको महासंघले जनाएको छ।