वीरगन्ज,१९असोजःवीरगन्जको गहवामाई मन्दिर छेउको सडकपेटीमा आइतबार एक जना बृद्ध पुरुष मृत फेला परेका छन् । मन्दिरमा वर्षौदेखि भीख मागेर बस्दै आएका वीरगन्ज महानगरपालिका वडा नम्बर १६ नगवाका अन्दाजी ६५ वर्षका हरिहर प्रसाद सोनार मृत फेला परेका हुन् ।
उनको मृत्युको कारण यकिन हुन सकेको छैन । तर शवको प्रकृति हेर्दा अविरल वर्षाका कारण रुझेर बिरामी परेका उनको चीसोले कठ्यांग्रीएर मृत्यु भएको हुनसक्ने अनुमान प्रहरीको छ ।
शव पोष्टमार्टमका लागि वीरगन्जको नारायणी अस्पतालमा पठाइएको र रिपोर्ट आएपछि मृत्युको यकिन कारण खुल्ने वडा प्रहरी कार्यालय वीर्ताका प्रहरी निरीक्षक निरोज चौलागाइँले जानकारीले दिए ।