वीरगन्ज,१असारःनेपाल खानेपानी संस्थान सञ्चालक समितिको सदस्यमा वीरगन्ज महानगगरपालिकाका मेयर राजेशमान सिंहसहित चार जना नियुक्त भएका छन् ।
खानेपानी मन्त्री प्रदीप यादवले नेपाल खानेपानी संस्थान संचालक समितिको सदस्यमा वीरगन्ज महानगरका मेयर राजेशमान सिंह, पोखरिया नगरपालिकाका उपमेयर सलमा खातुन , जसपाकी केन्द्रिय सदस्य मधुमाया यादव र जसपाका संघीय परिषद सदस्य मुकेश द्विवेदीलाई नियुक्त गरेका हुन् । खानेपानी मन्त्री यादवले जेठ १२ गतेको मन्त्रीस्तरीय निर्णयबाट चारै जनालाई नेपाल खानेपानी संस्थान संचालक समितिको सदस्यमा नियुक्त गरेका हुन् ।
नेपाल खानेपानी संस्थान संचालक समितिको सदस्यमा नियुक्त भएका वीरगन्जका मेयर सिंह, खातुन र द्विवेदी पर्सा जिल्ला निवासी हुन् भने यादव बारा जिल्ला निवासी हुन् ।यस्तै जसपाका केन्द्रिय सदस्य खानेपानी मन्त्रालयको अवैतनिक नीति सल्लाहकारमा नियुक्त भएका छन् । यादव, पर्साको पकहामैनपुर गाँउपालिका वडा नम्बर १ धोरेका स्थायीबासिन्दा हुन् ।