जनकपुरधाम,५जेठ : धनुषाको जनकनन्दिनी गाउँपालिकामा कुकुरको एक हुलले जथाभावी टोक्न थालेपछि स्थानीयहरू त्रसित बनेका छन्।
जनकनन्दिनी गाउँपालिका वडा नम्बर ३ प्रखे महुवामा आइतबारदेखि नै कुकुरको एक हुलले स्थानीय बालबालिकाहरूलाई टोकेर घाइते बनाएको छ।
कुकुरले टाेकेर सोमबार महुवामा १५ जना र खजुरी विद्यालयका ७ जना विद्यार्थी गरी २२ जनालाई घाइते बनाइसकेको छ। कुकुरको हुलले गाउँमा हिँड्ने बालबालिकामाथि लम्किने, घेरा हालेर टोक्न थालेपछि स्थानीयहरू त्रसित बनेका हुन्।
कुकुरको टोकाइबाट स्थानीय ७ वर्षीय अभिराज, ५ वर्षीय गोपाल पासवान, ४ वर्षीय कविता, ४० वर्षीय उमेश साह , बोनिया महरा, किशोरी मुखिया, रामदेव सोनार, राधिका पासवान, मनोज ठाकुरलगायतलाई टोकेर घाइते बनाएको हो।
जनकनन्दिनी गाउँपालिकाकी उपाध्यक्ष कमला सहगलले घटना भएको पुष्टि गरिन्।साभार:थाहाखबर