वीरगन्ज,१२बैशाखः पर्साको पटेर्वा सुगौली गाउँपालिका वडा नम्बर २ चाफी गाँउको गादी खोलामा कज्वे पुल निर्माण गर्न थालिएको छ ।शुक्रबार गाँउपालिकाका अध्यक्ष दिनेश चौधरीले गादी खोलामा कज्वे पुलको शिलान्यास गरेका हुन् ।
गादी खोलामा २० लाख रुपैयाँको लागतमा कज्वे पुल निर्माण गर्न थालिएको गाँउपालिका अध्यक्ष चौधरीले जानकारी दिए । यहि बैशाख महिनाभित्रै उक्त कज्वे पुलको निर्माण कार्य सम्पन्न गरिने गरी निर्माण कम्पनिसंग सम्झौता गरिएकोपनि उनले बताए ।
गादी खोलामा कज्वे पुल नहुदाँ वर्षाका बेला बाढी आउँदा चाफी गाँउमा सडक आवागमन नै बन्द हुने गरेको थियो ।अब भने कज्वे पुल निर्माण भएपछि भने चाफी गाँउका २ हजार भन्दा बढी जनता लाभान्वित हुने गाँउपालिका उपाध्यक्ष ममता महत्तोले बताइन् ।
शुक्रबारको शिलान्यास कार्यक्रममा गाँउपालिका उपाध्यक्ष महत्तो, वडा नम्बर २ का वडाध्यक्ष विजय गैरे,वडा नम्बर ३ का वडाध्यक्ष महादेव राउत, चाफी गाँउका अगुवा, गाँउपालिकाका कर्मचारी लगायतकाकोपनि उपस्थिती रहेको थियो ।