वीरगन्ज,२४चैतःभगवान् श्रीरामको जन्मोत्सवमा यसपालिपनि आइतबार वीरगन्जमा भव्य शोभा यात्राका साथै मोटरसाइकल रयालि निकालिएको छ ।
रामनवमीका अवसरमा आइतबार बिहान वीरगन्ज–१० घडिअर्वास्थित रामजानकी मन्दिर परिसरबाट भगवान् श्रीरामको शोभा यात्रा निकालिएको हो । वीरगन्ज महानगरपालिका र वडा नम्बर १० को वडा समिति कार्यालयको समन्वय र स्थानीयको सहभागीतामा मन्दिर पसिरबाट निकालिएको शोभा यात्राले नगर परिक्रममा गरेको थियो ।
‘जय श्रीराम’ नारा अंकीत भगवा झण्डा र बाजागाजा सहित निस्किो शोभा यात्राले माईस्थान, आदर्शनगर, अलखियामठ हुदैं पुन घडिअर्वा पोखरस्थित रामजानकी मन्दिरमा पुगेर समापन भएको थियो । शोभा यात्रामा वीरगन्ज महानगरपालिकाका मेयर राजेशमान सिंह, वडासदस्य सन्तोष जैशी,प्रभु महतोका साथै भक्तजनहरुको उल्लेख्य सहभागीता थियो ।
शोभा यात्रापछि मन्दिर परिसरमा पुगेका भक्तजनहरुलाई मेयर सिंहले प्रसादका रुपमा लड्डु बाँडेका थि ए भने खीरपनि प्रसादका रुपमा वितरण गरिएको घडिअर्वा स्पोट्र्स क्लबका अध्यक्ष सन्तोष कानुले जानकारी दिए ।
यस्तै रामनवमीकै अवसरमा कुर्मी सशक्तिकरण मञ्च पर्सालेपनि वीरगन्जमा आइतबार भगवा झण्डासहित बृहत मोटरसाइकल र्याली निकालेर नगर परिक्रमा गरेको थियो ।
