वीरगन्ज,२९फागुनःआगामी चैत गतेदेखि सुरु हुने यस वर्षको माध्यमिक शिक्षा परीक्षा (एसईई)मा पर्सा जिल्लाबाट १२ हजार भन्दा बढि विद्यार्थी सहभागी हुने भएका छन्।
एसईईमा पर्सा जिल्लाबाट १२ हजार ६ सय ३७ जना विद्यार्थी सहभागी हुने शिक्षा विकास तथा समन्वय इकाई पर्साका प्रमुख हरि राउतले जानकारी दिए। जिल्लामा रहेका सामुदायिक र संस्थागत गरी १ सय ४८ वटा विद्यालयका गरी १२ हजार ६ सय ३७ जना विद्यार्थी एसईईमा सहभागी हुने उनले बताए । उनका अनुसार, एसईईका लागि जिल्लाभरीमा २९ वटा परीक्षा केन्द्र निर्धारण गरिएको छ ।
त्यसका लागि २९ जना केन्द्राध्यक्ष र ६९ जना सहायक केन्द्राध्यक्ष तोकिएको छ भने ६ सय २९ जना निरिक्षक, १ सय १४ जना परीक्षा सहायक, दुईसय ४० जना कार्यालय सहयोगी परिचालन गरिने राउतले बताए । यस्तै सबै परीक्षाकेन्द्रमा गरी ४ सय ३५ जना प्रहरीपनि खटिने राउतले जानकाारी दिए।