काठमाडौं,२५फागुनःजनमत पार्टीका राष्ट्रिय अध्यक्ष डा.सीके राउतले कांग्रेस र एमालेकै कारण पूर्वराजा र राजवादीहरुको सकृयता बढेको बताएका छन् ।काठमाडौंमा सञ्चारकर्मीसंगको कुराकानीमा जनमत पार्टीका अध्यक्ष राउतले प्रमुख राजनीतिक दलहरुको काराणले नै पूर्वराजा ज्ञानेन्द्र शाह र राजावादीहरु सक्रियताका बढेको बताए ।
अध्यक्ष राउतले कांग्रेस र एमाले राजावादीको सहयोगी बन्दै गएको आशंका उब्जिएकोपनि बताए। दुई ठूला दल मिलेर सरकार चलाउँदा समेत जनतामा निराशा कम नहुनु आश्चर्यजनक भएको टिप्पणी उनको थियो ।
मधेसी जनताले पञ्चायतकालमा पनि गणतन्त्रप्रति झुकाव राख्दै आएकाले राजतन्त्रको पक्षमा नलाग्ने राउतको भनाई छ । जनताले भरोसा गरेको गणतन्त्र व्यवस्थाको रक्षाका लागि केन्द्रीय समितिको बैठक लगत्तै पार्टीले नयाँ रणनीति तय गर्ने राउतले बताए।