वीरगन्ज,२८पुसःवीरगन्जमा ट्याक्टरबाट लडेर एक पुरुषको मृत्यु भएको छ । मृत्यु हुनेमा पर्साको जगरनाथपुर गाँउपालिका वडा नम्बर ५ भीखमपुरका ४५ वर्षीय शिवकुमार कुर्मी रहेका छन् ।
शनिबार दिउँसो वीरगन्ज महानगरपालिका वडा नम्बर १७ अलौंस्थित सडकमा ना.६ त ३३४ नम्बरको ट्याक्टरबाट लडेर कुर्मी गम्भीर घाइते भएका थिए । घाइते कुर्मीको वीरगन्जस्थित नारायणी अस्पतालमा उपचारका क्रममा मृत्यु भएको जिल्ला प्रहरी कार्यालय पर्साले जनाएको छ ।
ट्याक्टर र त्यसका चालकलाई प्रहरीले नियन्त्रणमा लिएर अनुसन्धान गरिरहेको पर्साका प्रहरी नायब उपरीक्षक किशोर लम्सालले जानकारी दिए ।