वीरगन्ज,०७मंसिरः वीरगन्जबाट पोखरा जाँदै गरेको यात्रुबाहक बस मकवानपुरको चुरीयामाई मन्दिर नजिक दुर्घटना हुदाँ १७ जना घाइते भएका छन् ।
पूर्वपश्चिम लोकमार्ग अन्तर्गत मकवानपुरको हेटौंडा उपमहानगरपालिकामा पर्ने चुरीयामाई मन्दिर नजिकै ग २ ख १६२१ नम्बरको बस शुक्रबार बिहान ९.२० बजे ब्रेक फेल भई सडक छेउ खोलाको डिलमा पल्टिएको हो ।
दुर्घटनामा १७ जना घाइते भएकोमा ती मध्ये २ जनाको अवस्था सामान्य, १४ जनाको मध्यम र १ जनाको अवस्था गम्भीर रहेको जिल्ला ट्राफिक प्रहरी कार्यालय मकवानपुरले जनाएको छ । घाइतेहरुको हेटौंडा अस्पतालका विभिन्न अस्पतालमा उपचार भइरहेको छ ।
दुर्घटनामा परेको बसका चालकलाई प्रहरीले नियन्त्रणमा लिएको जिल्ला प्रहरी कार्यालय मकवानपुरले जनाएको छ ।