काठमाडौं,२मंसिरःपूर्व सभामुख दमननाथ ढुङ्गनाको निधन भएको छ ।फ्रन्टलाइन अस्पतालमा उपचाररत ८३ वर्षको उमेरका ढुङ्गानाको आइतबार दिउँसो २ बजे निधन भएको हो । उनको स्वास्थ्यमा समस्या आएपछि फ्रन्ट लाइन अस्पतालमा भर्ना गरिएको थियो ।
वरिष्ठ अधिवक्तासमेत रहेका ढुंगाना २०४८ सालदेखि २०५१ सम्म सभामुख थिए । ढुंगानाले तत्कालीन विद्रोही माओवादीलाई शान्ति प्रक्रियामा ल्याउन भूमिका पनि खेलेका थिए ।
कानुन व्यवसायको क्षेत्रमा पनि चर्चित नाम राख्न सफल भएका उनी पछिल्लो समय कलेजो लगायत विभिन्न स्वास्थ्य समस्याले पीडित थिए ।