वीरगन्ज,२कार्तिक: ६ पटककाे विजेता अस्ट्रेलियालाई हराउँदै दक्षिण अफ्रिका महिला टी-२० विश्वकपकाे फाइनलमा प्रवेश गरेको छ।
दुबईमा बिहीबार राति भएकाे पहिलाे सेमिफाइनल खेलमा अष्ट्रेलियालाई ८ विकेटले हराउँदै दक्षिण अफ्रिकाले फाइनलकाे यात्रा तय गरेको हो।
पहिले ब्याटिङ गरेको अस्ट्रेलियाले पाँच विकेटकाे क्षतिमा १ सय ३४ रन बनाएको थियो।
१३५ रनकाे लक्ष्य दक्षिण अफ्रिकाले दुई विकेट मात्र गुमाएर १७ दशमलव २ ओभरमा पूरा गर्याे।
अब आइतबार हुने फाइनलमा दक्षिण अफ्रिकाले वेस्ट इन्डिज र न्युजिल्यान्डबीच हुने दोस्रो सेमिफाइनलको विजेताको सामना गर्नेछ।