काठमाडौं,५असोजःनेपाल साफ यु–१७ च्याम्पियनसिपको पहिलो खेलमै पराजित भएको छ । साविकको उपविजेता नेपाल आफ्नो पहिलो खेलमा पाकिस्तानसँग १–० ले हारेको हो ।
भुटानको चाङलिमिथाङ रंगशालामा शनिबार भएको खेलमा पाकिस्तानका परिवर्तित खेलाडी मोहम्मद थलहले खेलको ८२ औं मिनेटमा गरेको गोल नै निर्णायक बन्यो ।
समूह ‘बी’ मा रहेको नेपालले अब सोमबार श्रीलंकाको सामना गर्नेछ । त्यसपछि नेपालले समूह चरणको अन्तिम खेलमा बुधबार घरेलु टोली भुटानसँग प्रतिस्पर्धा गर्नेछ । शीर्ष दुई टोली सेमिफाइनलमा पुग्नेछ । सेमिफाइनल १२ असोजमा तथा फाइनल १४ असोजमा हुनेछ ।