वीरगन्ज,१७असारःवीरगन्जको आदर्शनगरस्थित सिद्धार्थ बैंक रहेको भवनमा भीषण आगो लागेको छ ।बैंक कार्यालय रहेको भवनको दोश्रो तल्लामा सोमबार अपरान्हदेखि आगो लगेको हो ।
बैंक भवनमा लागेको आगो अहिले चार वटा वारुण यन्त्रको सहयोगमा निभाउने प्रयास भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक भारतीले जानकारी दिए । आगो अझैपनि नियन्त्रणमा आउन नसकेकाले पोखरिया नगरपालिका र बाराको जितपुरसिमरा उपमहानगरपालिकाबाटपनि थप वारुण यन्त्र मगाँइएको उनले बताए ।
बैंक कार्यालयको भवनमा आगो कसरी लागेको खुल्न सकेको छैन । घटनाबारे थप विवरण आउन बाँकी रहेको प्रहरी नायब उपरीक्षक भारतीले बताए ।