Madhes Khabar
राजनीति

पर्सामा हावाहुरीबाट नोक्सानी व्यहोरेकाहरुलाई राहत र क्षतिपुर्ति दिन कांग्रेस सांसद चौरसियाको माग

काठमाडौं,२९जेष्ठःपर्सा क्षेत्र नम्बर २ का प्रतिनिधीसभा सदस्य(सांसद) अजय कुमार चौरसियाले पर्सा जिल्लामा केहिदिन पहिले विनाशकारी हावाहुरी र वर्षाबाट भएको क्षतिबाट पिडितहरुलाई राहत र क्षतिपूर्तिको माग गरेका छन् ।

मंगलबार बसेको प्रतिनिधिसभा बैठकमा आकस्मिक समय लिएर बोल्दै सांसद चौरसियाले पर्सा जिल्लामा हावाहुरी र वर्षाले धनजनको ठूलो क्षति पुर्याएकोभएपनि यस बारेमा संघ,प्रदेश र स्थानीय सरकारले ध्यान नदिएको गुनासो गरे । उनले हावाहुरीबाट प्रभावितहरुलाइ तत्काल राहत र क्षतिपुर्ति उपलब्ध गराउन सरकारसंग माग गरे ।

कांग्रेस नेतासमेत रहेका चौरसियाले भने, ‘गएको बुधबार राति १२ बजे कमसेकम डेढ सय किलोमिटरको स्पिडमा पर्सा जिल्लाको विभिन्न ठाउँहरूमा आँधी तुफान जस्तो अवस्था थियो । पानी र असिना पनि थियो । दर्जनौं गाउँको सयकडौं घरको छानो उडाएको छ । बालिनाली पनि नष्ट भएको छ । बगैंचाका रुख र बिजुलीको पोलहरू ढलेका छन् । बाटो अबद्ध भएका छन् ।देशमा तीन वटा सरकार छ । कुनै पनि सरकारले पीडितहरूलाई क्षतिपूर्ति र राहत दिने कार्य गरेएको छैन । पर्सामा राहत र क्षतिपूर्तिको व्यवस्था होस्।’

सांसद चौरसियाले मधेसमा ययसपालिको गर्मीमा फेरि खानेपानीका चापाकलहरु सुक्दै गएकोभएपनि सरकारले ध्यान नदिएको बताए । उनले भने,‘ स्थानीय तह र प्रदेश सरकार कानमा कपास हालेर सुतेको छ । केन्द्र सरकारले खानेपानीको स्रोत सुक्दै गएकोमा ध्यान दिनुपर्छ ।’

Related posts

पर्सामा लाेसपाका नेताहरु जनमत पार्टीमा प्रवेश

MadhesKhabar

नागरिकता विधेयक प्रमाणिकरणको विरोधमा अनेरास्ववियूको प्रदर्शन, १६ जना पक्राउ

MadhesKhabar

नक्कली भुटानी शरणार्थी प्रकरणका दोषीलाई कारबाही गर्न एकिकृत समाजवादी पर्साको माग

MadhesKhabar

Leave a Comment