वीरगन्ज,१५जेष्ठ:वीरगन्जमा एक किशाेरीमाथि छुरा प्रहार भएकाे छ।वीरगन्ज महानगरपालिका वडा नम्बर १३ राधेमाईमा १८ बर्षिया किशाेरीमाथि छुरा प्रहार गरिएको हाे।छुरा प्रहारबाट पर्साकाे पकाहामैनपुर गाउँपालिका वडा नम्बर १ धोरे घर भएकी १८ बर्षिय प्रिया यादव गम्भीर घाइते भएकी छन्।
वीरगन्जको राधेमाईमा विक्रम तिमिल्सिनाकाे घरमा डेरा लिएर बस्दै आएकी यादवमाथि मंगलबार राति साढे ८ बजे अपरिचत व्याक्तिले छुरा प्रहार गरेका हुन् ।छुरा प्रहार गरिएपछि यादवले चिच्याउँदै प्रतिवाद गरेपछि छुरा प्रहार गर्ने व्याक्ति फरार भएकाे स्थानीय प्रत्यक्षदर्शीले बताएका छन्।
यादवलाई कसले र किन छुरा प्रहार गरेकाे बारेमा खुल्न सकेकाे छैन।छुरा प्रहार गर्ने व्याक्ति फरार रहेकाे र उनकाे खोजी भइरहेको जिल्ला प्रहरी कार्यालय पर्साले जनाएको छ।घाइते यादवलेपनि आँफुमाथि छुरा हान्ने व्याक्तिलाई आँफुले नचिनेकाे प्रहरीलाई बताएकी छन्।
यादवले प्रतिकार गर्दै चिच्याउन थालेपछि छुरा प्रहार गर्ने व्यक्ति भागेका थिए । उनीहरूलाई आफूले नचिनेको यादवले बताएकी छन् ।
घाइते यादवको वीरगन्जजस्थित तराई अस्पतालमा उपचार भई रहेको प्रहरीले जनाएको छ ।