वीरगन्ज,२५बैशाखःउखरमाउलो गर्मी र लामोसमयदेखिको खडेरीपछि मंगलबार वर्षाभएपछि वीरगन्ज र यस आसपासका जनताले राहत महसुस गरेका छन् । किसानहरु भने खडेरीका कारण सुक्न थालेको बाली अब बर्षाभएपछि सप्रिने भन्दै हर्षित भएका छन् ।
वीरगन्ज र यस आसपासका क्षेत्रमा करिब ६÷७ महिनापछि मंगलबार बर्षा हुदाँ गर्मीबाट आजित बनेका स्थानीयले शीतलताको महसुस् गर्न पाएका हुन् भने ग्रामीण भेगका किसानहरु बालीनाली सप्रिने भन्दै हर्षित बनेका हुन् ।
वीरगन्ज र यस आसपासको क्षेत्रमा पछिल्लो दुई साता यता तापक्रम बढेर अधिकतम ४३ डिग्री सेल्सियससम्म पुगेको थियो । दिउँसोको समयमा भने लू जस्तै तातो हावापनि चल्न थालेको थियो ।यस्तै चापाकल लगायत खानेपानीका श्रोतहरुपनि सुक्दै जाँदा शहरी क्षेत्रमा खानेपानीको हाहाकार समेत सुरु भइसकेको थियो ।
तर मंगलबार बर्षा भएपछि भने हावाको आद्रतामा नमी आउनुका साथै तापक्रमपनि घटेर शीतलताको महसुस भएको र अब पानीपरेपछि जमिनमूनी पानी रिचार्ज भएर चापाकलमा पानी आउन थाल्ने अपेक्षा गरिएको छ ।
लामो समयसम्म खडेरी परेका कारण चैते धान रोपाई र हिउँदे खेीबाली प्रभावित भएपछि निराश भएका किसानहरु मंगलबार वर्षा भएपछि भने किसान हर्षित बनेका हुन् ।
खडेरीका कारण गहुँ, तोरी, र हरियो तरकारीको उत्पादन घटेर हुँदा निराश बनेका किसानहरु अब पानी परेपछि चैते धान लगायतका बर्षेबाली लगाउन पाउने भएपछि हर्षित बनेका हुन् । किनकि लामो समयसम्म बर्षा नहुँदा खेतबारीमा लगाएका मकै र रोपिएको चैते धानको बाली सुक्न थालेका थिए । कतिपयले भने चैते धान रोप्न नै पाएका थिएनन् ।
वर्षा भएपछि किसानलाई खेतबारी जोतखन गर्ने र बर्खे बाली लगाउन सहज हुने कृषि ज्ञान केन्द्र पर्साले जनाएको छ ।