वीरगन्ज,१०बैशाखः भारतमा जारी इण्डियन प्रिमियर लिग आईपीएलमा आज सोमबार राजस्थान रोयल्स र मुम्बई इण्डियन्सबीच खेल हुँदैछ । राजस्थानको घरेलु मैदान जयपुरमा हुने यो खेल नेपाली समयअनुसार बेलुकी पौने ८ बजेदेखि सुरु हुनेछ ।
जारी आईपीएलमा राजस्थान सात खेलमा ६ जित र एक हारसहित १२ अंकसहित शीर्ष स्थानमा रहेको छ । मुम्बईले अहिलेसम्म सात खेलमा तीन खेल जितेको छ भने चार खेलमा हार व्यहोरेर छ अङ्कसहित सातौँ स्थानमा रहेको छ ।
राजस्थान यस सिजनमासन्जु सामसनको कप्तानीमा खेलिरहेको छ । राजस्थान रोयल्स आइपिएलको पहिलो सिजनको विजेता हो भने सन् २०२२ को उपविजेता टिम हो । त्यस्तै मुम्बई इण्डियन्स यस सिजनमा हार्दिक पाण्डेयको कप्तानीमा खेलिरहेको छ ।