जनकपुरधाम,२३चैतःमधेस प्रदेशका मुख्यमन्त्री सरोजकुमार यादवले अहिलेको संविधान मधेशका जनताले बनाएको संविधान नभएको बताएका छन् । शुक्रबार जनकपुरधाममा भएको प्रदेश र स्थानीय सरकारको प्रभावकारी समन्वय र सहकार्यको वर्तमान अवस्था र भावी रणनीति विषयक कार्यक्रममा मुख्यमन्त्री यादवले यस्तो बताएका हुन् ।
उनले देशमा संघीयता मधेस प्रदेशका जनताकै कारण आएको दाबीपनि गरे ।उनले भने,‘देशमा संघीयता ल्याउने मधेस प्रदेश नै हो । मधेस प्रदेशका हामी सम्पूर्ण जनताले आन्दोलन गरेबापत यो देशमा संघीयता आएको हो ।’
यादवले संघीयता आएपछि मधेस प्रदेशमा विकास भएकोपनि बताए । उनले भने,‘नत्र बहुदल व्यवस्था ३२ वर्ष बढी भइसक्यो, यो देशमा २५ वर्षमा मधेसमा बहुदलीय व्यवस्था भएपनि विकास पाएको होइन । बहुदल आएपनि मधेस प्रदेशका जनतालाई विभेद गरेर राखेकै हो ।
उनले संघीयता भएपनि संघ सरकारले प्रदेशलाई जुन प्रकारको अधिकार दिनुपर्ने त्यो नदिएको गुनासो गरे ।उनले संघीयता सबैलाई चाहिने भएपनि कार्यान्वयन गर्न नसकेको प्रति जिम्मेवार नेताहरु लज्जित हुनुपर्ने बताए ।