काठमाडौं,२७माघ:नेपालको यू–२३ टिमले मैत्रीपूर्ण फुटबल खेलमा चीनको छिङ हाइ युसुलाई ५–१ ले हराएको छ ।काठमाडौंकाे दशरथ रंगशालामा शनिबार भएकाे खेलमा समीर राईकाे दुई गाेलकाे मदतले नेपालले चिनियाँ टाेलीलाई ५-१ काे फराकिलो अन्तरले हराउन सफल भएकाे हाे।
खेल चिनिया नयाँ वर्षको अवसरमा आयोजना गरिएको हो । नेपालका लागि समीरसँगै सन्जिव विष्ट, छिरिङ लामा र नीराजन धामीले एक एक गोल गरे । खेलको दोस्रो मिनेटमा आयुष घलानको क्रसमा सन्जिवले हेडबाट पहिलो गोल गरे । खेलको ३७ औं मिनेटमा छिरिङको क्रसलाई समीरले नजिकको दूरीबाट हेड गर्दै गोल गरे ।
खेलको तेस्रो गोल दोस्रो हाफको ५४ औं मिनेटमा निस्केको थियो, जति बेला सन्जिवको क्रसलाई समीरले हेडबाट पोस्टको दिशा दिए । छिरिङले ६३ औं मिनेटमा उत्सवले चौथो गोल गरे । यस्तै, ७४ औं मिनेटमा नीराजनले पाँचौं गोल गरे । खेलको पहिलो राम्रो मौका भने छिङ हाइ युसले बनाएको थियो ।
बुझाउ निमाको प्रहारले पोस्टका दिशा लिए पनि त्यो अफ साइड रह्यो । उसका लागि एक मात्र गोल झाछि पेङकुओले गरे । खेलको ७८ औं मिनेटमा पोस्टमा लागेर फर्केको बलममा उनले आफ्नो टिमका लागि सान्त्वना गोल गरेका हुन् । यस चिनियाँ टिमको यो विदेशी भूमिमा पहिलो खेल हो ।साभार:ईकान्तिपुर