काठमाडौं,१मंसिरः सुनको भाउ आज शुक्रबार एकै दिन दुई हजार तीन सय रुपैयाँले बढेर तोलामा एक लाख १५ हजार पाँच सय रुपैयाँमा पुगेको छ ।
गएको सोमबार सुनको भाउ तोलामा एक लाख १३ हजार दुई सय रुपैयाँ थियो । मंगलबार, बुधबार र हिजो बिहीबार तिहार बिदामा सुनचाँदीको मूल्य तोकिएको थिएन । नेपाल सुन चाँदी व्यवसायी महासंघले लक्ष्मी पूजाको भोलिपल्ट २७ गते भाउ तोकेपछि आज बल्ल बजार खुलेको हो ।
यस्तै चाँदी भाउ तोलाको एक हजार चार सय ५० रुपैयाँ रहेको महासंघले जनाएको छ । महासंघले अन्तराष्ट्रिय बजार मूल्यअनुसार नेपालमा भाउ तोक्दै आएको छ ।