बारा,११ असोज : आयोजक सिमरा भेट्रान क्लब , बाराको सिमरामा जारी तेश्रो अन्तराष्ट्रिय सिमरा भेट्रान कप फुटबल प्रतियोगिताको फाईनलमा प्रवेश गरेको छ ।सिमरा रंगशालामा बुधबार बेलुकी भएको पहिलो सेमिफाईनल खेलमा चाबहिल स्पोर्टस क्लब काठमाण्डौलाई ३–२ गोल अन्तरले पराजित गर्दै आयोजक सिमराले फाईनलमा स्थान पक्का गरेको हो ।
सिमराको जीतमा गोपिप्रसाद भट्टले दुई र मित्रबहादुर बस्नेतले एक गोल गरेका हुन् ।उक्त खेलको म्यान अफ द म्याच सिमराका लागि दुई गोल गरेका भट्ट घोषित भए ।
प्रतियोगिता अन्र्तगत बिहीबार पनि दुई वटा खेल हुँदैछ ।बिहीबारको पहिलो खेल पोखरा भेट्रान कास्की र फ्रिडम फाईटर काठमाण्डौ बिच हुनेछ । दोश्रो खेलमा युनिटि भेट्रान विरगन्ज र कोलकत्ता भेट्रान भारत भिड्नेछन् ।
स्व.मञ्जुदेवी गुप्ताको स्मृतीमा आयोजित प्रतियोगिताको फाइनल खेल असोज १३ गत शनिबार हुनेछ । प्रतियोगितामा १२ वटा टिमले सहभागिता जनाएका छन् । प्रतियोगिताको बिजेताले नगद २ लाख र उप बिजेताले नगद १ लाख रुपैया पाउने आयोजक सिमरा भेट्रान क्लबका अध्यक्ष राज कपुर राउतले जानकारी दिए।