वीरगन्ज,४असाेज: प्रेस काउन्सिल नेपालले आफ्नो स्थापना दिवसका अवसरमा हरेक वर्ष प्रदान गर्दै आएकाे पत्रकारिता पुरस्कार यस वर्ष पर्साका पनि दुई जना पत्रकारले पाउने भएका छन् ।
५४ ओैं स्थापना दिवसका अवसरमा प्रेस काउन्सिलले पर्साका पत्रकार रितेश त्रिपाठीलाई प्रेस काउन्सिल समावेशीता पत्रकारिता पुरस्कार र युवराज खड्कालाई प्रेस काउन्सिल युवा पत्रकारिता पुरस्कार दिने घाेषणा गरेकाे हाे ।
प्रेस काउन्सिलकाे स्थापना दिवसका दिन असाेज ६ गते काठमाडौंमा राष्ट्रपति रामचन्द्र पाैडेलकाे प्रमुख आतिथ्यतामा हुने समारोहमा दुवै पत्रकारलाई उक्त पुरस्कार प्रदान गरिने प्रेस काउन्सिलले जनाएको छ ।
प्रेस काउन्सिलले उक्त कार्यक्रममा विभिन्न विधामा अन्य पत्रकारलाई पनि पुरस्कृत गरिने जनाएको छ ।