वीरगन्ज,३२साउन : पर्साको पटेर्वासुगौली गाउँपालिकामा बिहीबार बिहान मोटरसाइकल दुर्घटना हुँदा वीरगन्जका एक युवकको मृत्यु भएको छ ।
मोटरसाइकल दुर्घटनामा परि वीरगन्ज महानगरपालिका वडा नम्बर १ छपकैया घर भएका १६ वर्षीय राहुल कुमार सिंहको मृत्यु भएको प्रहरीले जनाएको छ ।
सिंह सवार रहेको मोटरसाइकल बिहीबार बिहान पटेर्वासुगौली गाँउपालिका वडा नम्बर ५ निचुटास्थित सडकमा आफै अनियन्त्रित भएर दुर्घटना हुँदा उनको घटनास्थलमै मृत्यु भएको इलाका प्रहरी कार्यालय पटेर्वासुगौलीका प्रहरी निरीक्षक रामराजा केशरीले बताए ।