जनकपुरधाम, १६ साउन : सिरहामा एक युवकको शव फेला परेको छ ।सिरहाको गोलबजार नगरपालिका ३ गागण खोलाको पश्चिम तर्फ किनारमा रहेको बाँस घारीमा अन्दाजी ३०–३५ वर्षको युवकको शव फेला परेको हो । उनको सनाखत भने भएको छैन ।
युवकको हत्या भएको हुन सक्ने प्रहरीको अनुमान छ । घटनास्थलको प्रकृति हेर्दा शंकास्पद देखिएको सिरहाका प्रहरी प्रवक्ता प्रहरी नायब उपरीक्षक राजनराज पाण्डेले जानकारी दिए ।
मंगलबार बिहान ७ बजे स्थानीयले शव देखेपछि प्रहरीलाई खबर गरेका थिए ।प्रहरी नायब उपरीक्षक पाण्डेले घटनास्थल पुगेर अनुसन्धान गरिरहेको बताए ।