Madhes Khabar
राजनीति

अदालत र सरकार भारतकाे गुलाम : मेयर बालेन

काठमाडौँ,७असार: काठमाडौं महानगरपालिकाका मेयर बालेन्द्र शाहले अदालत र सरकार भारतको गुलाम भएको भन्दै देशको सार्वभौमिकता र स्वाधीनताको सवालमा आफूले कानुन र अदालत नमान्ने बताएका छन् ।

सेन्सर बोर्डले प्रदर्शन अनुमति दिएका कुनै पनि फिल्म नरोक्न उच्च अदालत पाटनले अल्पकालीन आदेश जारी गरेपछि मेयर शाहको यस्तो प्रतिक्रिया आएको हो ।

‘जहाँ सवाल देशको सार्वभौमिकता र स्वाधीनताको आउँछ‚ म कुनै कानुन र अदालतलाई मान्नेवाला छैन । फिल्म लेखकले नेपाल भारतको अधीनमा थियो भनिसकेपछि उनीहरूको नियत थाहा हुन्छ‚’ मेयर शाहले फेसबुकमा लेखेका छन्‚ ‘यो कुरालाई नेपाल सरकारले स्टन्ट भन्नु र अदालतले फिल्म चल्न दिनु भनेको नेपाल भारतको अधीनमा थियो, अदालत र सरकार भारतको गुलाम भएको बुझिन्छ । यसको लागि जुनसुकै सजाय भोग्न तयार छु तर फिल्म चल्दैन र चल्न दिइनेछैन ।’

बालेन्द्र शाहले गत सोमबारदेखि नगर प्रहरी खटाएरै काठमाडौंमा भारतीय फिल्मको प्रदर्शन रोक्नुका साथै काठमाडौंमा कुनै पनि भारतीय फिल्म चल्न नदिने बताएका थिए । प्रदर्शन रोकिएपछि हलहरूको छाता संगठन चलचित्र संघ यसविरुद्ध अदालत पुगेको थियो ।

Related posts

अबको सरकार दुई तिहाई बहुमतको बन्छ : कांग्रेस नेता शेखर कोइराला

MadhesKhabar

पर्सा १ मा प्रदीप यादव प्रतिको आकर्षण बढ्दै, पूर्व वडाध्यक्ष ग्यासुदीन मियाँ जसपा प्रवेश

MadhesKhabar

केन्द्रदेखि मधेससम्म उपेन्द्र यादवलाई सत्ता बाहिर राख्ने राणनीतिमा सीके राउत

MadhesKhabar

Leave a Comment