वीरगन्ज, ९ जेष्ठ : संघीय सरकारको वन तथा वातावरणमन्त्रीमा जनता समाजवादी पार्टी (जसपा) को तर्फबाट वीरेन्द्रप्रसाद महतो नियुक्त भएका छन् ।
मन्त्रिपरिषद्को निर्णयअनुसार प्रधानमन्त्रीको सिफारिसमा राष्ट्रपति रामचन्द्र पौडेलले मंगलबार वन तथा वातावरणमन्त्रीमा महतो र शिक्षा‚ विज्ञान तथा प्रविधि राज्यमन्त्रीमा जसपाकै प्रमिला कुमारीलाई नियुक्त गरेका हुन् ।
नेपालको संविधानको धारा ७६ को उपधारा (९) बमोजिम प्रधानमन्त्रीद्वारा गरिएको सिफारिसको आधारमा मंगलबार राष्ट्रपति पौडेलले उनीहरूलाई मन्त्री र राज्यमन्त्रीमा नियुक्त गरेका हुन् ।
यसअघि पनि वन मन्त्रालयको नेतृत्व जसपाले नै गरेको थियो । जसपाबाट शेरबहादुर देउवा नेतृत्वको सरकारमा प्रदीप यादव वनमन्त्री बनेका थिए ।