मधेसखबर
वीरगन्ज,०७ मंसिर : पर्सा क्षेत्र नम्बर २ को (ख) को प्रदेशसभा सदस्यमा रमेश कुर्मी पुन निर्वाचित भएका छन् ।पाँच दलीय गठबन्धनबाट लोकतान्त्रिक समाजवादी पार्टी (लोसपा) का उम्मेदवार कुर्मी ९ हजार ४ सय ७१ मतका साथ प्रदेशसभा सदस्यामा निर्वाचित भएका हुन् ।
उनका निकटतम प्रतिस्पर्धी स्वतन्त्र उम्मेदवार रुपेशमान सिंहले ६ हजार ८ सय ३४ मत पाएका छन् । कुर्मी र सिंह बिचको मतान्तर २ हजार ६ सय ३७ रहेको छ । यहा नेकपा एमालेका उम्मेदवार हरेराम पटेलले ३ हजार ७ सय ९० मत र राप्रपा उम्मेदवार प्रमानन्द साहले २ हजार ८ सय ३६ मत पाएका छन् ।
२०७४ को निर्वाचनमा सिंह , पर्सा २ (ख) कै प्रदेशसभा सदस्यमा तत्कालीन राष्ट्रिय जनता पार्टी (राजपा) का उम्मेदवार बनेका कुर्मी ९ हजार ७ सय ६ मतका साथ विजयी भएका थिए । उनका निकटतम प्रतिस्पर्धी काँग्रेसका रामरुप कुर्मीले ७ हजार ६ सय ६२ मत पाएका थिए ।