मधेसखबर
वीरगन्ज ,२८ असोज : पर्सा क्षेत्र नम्बर २ का नेपाली काँग्रेसका प्रतिनिधिसभा सदस्य उम्मेदवार अजय चौरसियाले अबको निर्वाचनबाट पनि काँग्रेसकै नेतृत्वमा गठबन्धनको सरकार बन्ने र त्यो सरकारले भूमीहन सुकुम्बासीको समस्या सामधान गर्ने बताएका छन् ।
पर्साको पर्सागढी नगरपालिका वडा नम्बर १ खाशियाइगढीमाइ मन्दिरमा शुक्रबार आयोजित चुनावी भेलालामा बोल्दै सत्तागठबन्धनका साझा उम्मेदवार समेत रहेका चौरसियाले भने ,‘ फेरि पनि गठबन्धनकै सरकार बन्छ , त्यसपछि मेरो काम पर्साका सुकुम्बासी र भुमीहिनलाइ जग्गा दिलाउने हुन्छ , यो मेरो प्रतिबद्धता हो ।
उनले आफु काँग्रेसको मात्र नभइ सत्तागठबनधनका पाँच दलकै साझा उम्मेदवार भएको भन्दै सासदमा जितेपछि पाँच दलकै नेता कार्यकर्ताको भावनाको सम्मान गर्दै जनताको काम गर्ने बताए ।
चौरसियाले मधेस विरोधी एमालेसंग चुनावी फाइदाका लागि साँठगाँठ गरेको जसपा फेरि एक पटक मधेस र मधेसीको हिमायती नभइ सत्ताको लोभी भएको पुष्टि गरिदिएको बताए । उनले भने ,‘ एमाले र जसपाको अहिलेको गठबन्धन देश र मधेसको हितका लागि होइन , चुनावी र सत्ता स्वार्थका लागि हो भन्ने कुरा जनताले बुझिसकेका छन् , यसको जवाफ जनताले चुनावमा दिनेछन् ।
सधैभरि एमाले र उसका अध्यक्ष केपी ओलीलाइ मधेस विरोधी भनेर सत्तोसराप गर्दे आएका जसपा र उसका अध्यक्ष उपेन्द्र यादव कहिले पनि मधेसीको हिमायती नभएको पनि आरोप चौरसियाले लगाए ।
मुलुकमा आइपरेका हरेक राजनीतिक संकटको निकास काँग्रेसले नै दिएको इतिहास भएको भन्दै उनले अहिले पनि लोकतन्त्र र संविधान माथि प्रहार गर्ने चलखेल भइरहेकाले ती शक्तिलाइ काँग्रेसले नै परास्त गर्ने बताए ।
काँग्रेसका नेता बेदमन दास थारुको अध्यक्षतामा आयोजित कार्यक्रममा काँग्रेसबाट पर्सा क्षेत्र नम्बर २ (क)का उम्मेदवार श्याम पटेल , काँग्रेसका क्षेत्रीय सभापति महम्मद शाहबुद्धिन , माओवादी केन्द्रका नेता अमिताब बच्चन दास , नेकपा एकिकृत समाजवादीका नेता सत्य राय चौधरी , मनोज चौधरी , काँग्रेसका जिल्ला सहसचिव मदन यादव , महाधिवेशन प्रतिनिधी दिना गुप्ता , नेता वीर बहादुर यादव, पर्सागढी नगरपालिकाका पूर्व मेयर लोकनारायण यादव , बहुदरमाइ नगरपालिकाका मेयर नितेन्द्र साह लगायतको पनि सहभागिता थियो ।