मधेसखबर
वीरगन्ज,२३ असोज : नेपालबाट भारतमा कुकुरको तस्करी हुने गरेको खुलाशा भएको छ । तेश्रो मुलुकबाट आयात गरिएका उन्नत प्रजातिका कुकुरहरु तस्करीको माध्यमले वीरगन्जको नाका हुदै भारत लैजाने गरेको खुलाशा भएको हो ।
भारतसंग सीमा जोडिएको वीरगन्ज महानगरपालिका वडा नम्बर १ बजार छपकैया स्थित नाकाबाट प्रहरीले विभिन्न प्रजातिका ४ वटा कुकुर पक्राउ गरेको छ ।प्रहरीले रोडवाईलर ,जर्मन सेफर्ड ,ल्याबरोडर र बुलडग प्रजातिका गरि ४ वटा कुकुर गत शुुक्रबार पक्राउ गरेको हो ।
इलाका प्रहरी कार्यालय वीर्ताका प्रहरी निरिक्षक विशाल मल्लका अनुसार , तेश्रो मुलुकबाट आयात गरिएका कुकुरहरु वीरगन्जको छपकैया नाका हुदै भारत तस्करी हुदै आएको सुचना प्रहरीलाइ पप्राप्त भएको थियो । त्यहि सुचनाका आधारमा खटिएको प्रहरीले छपकैया नाकाबाट शुक्रबार चार वटा कुकुरहरु पक्राउ गरेको प्रनि मल्लले बताए ।
उनले कुकुर तस्करीमा संलग्नहरु भने फरार भएको र उनिहरुको खोजी भभइरहेको बताए । पक्राउ गरिएका कुकुरहरु लिलामी प्रकृयाका लागि वीरगन्ज भन्सार कार्यालयमा बुझाईएको जानकारी उनले दिए ।