मधेसखबर
वीरगन्ज,११ असोज : पर्साको जिराभवानी गाउँपालिका वडा नम्बर ४ सुपौलीको दलित वस्तीका बालबालिकाका लागि सन्चालित निःशुल्क टियुसन कक्षा केन्द्रको लागि अमेरीकामा बस्दै आएका नेपाली दम्पतिले घर बनाइ दिएका छन् ।
अमेरीकामा बस्दै आएका धर्मेन्द्र तिम्सिना क्षितिज र उनकी पत्नि टीका तिम्सिनाले दलित बाालिकाले पढ्ने निशुल्क ट्युसन कक्षाका लागि घर बनाइ दिएका हुन् ।
तिम्सिना दम्पतिले १ लाख २५ हजार रुपैयाको लागतमा उक्त घर निर्माण गरिएको पिसफोर दलित फाउन्डेसन नेपालका अध्यक्ष मनोज रामले जानकारी दिए ।
स्थानीय समाजसेवी रामचन्द्र राम र उनकी पत्नि देवपती देवीले ५ वर्षको लागि निशुल्क उपलब्ध गराएको जग्गामा निर्माण गरिएको उक्त घरको मङगलबार उद्घाटन पनि गरिएको छ ।निशुल्क टियुसन कक्षा केन्द्र सन्चालनका लागि निर्मित घरको उद्घाटन जिराभवानी गाउँपालिकाकी उपाध्यक्ष रेखा चौधरीले गरेकी हुन् ।
पिस फोर दलित फाउन्डेसन नेपालले पर्सा जिल्लाको ग्रामीण भेगका दलितवस्तीमा विधालयको पहुच बहिर रहेका बालबालिकाका लागि निशुल्क ट्युसन कक्षा सन्चालन गर्दै आएको छ । सुपौलीको दलित वस्तीमा सन्चालित निशुल्क ट्युसन कक्षामा १५० जना दलित बालबालिका अध्ययनरत छन् । उनिहरुका लागि १ जना स्वयंसेवक शिक्षक राखिएको रामले जानकारी दिए ।
रामका अनुसार, निशुल्क ट्युसन कक्षा केन्द्रको लागि घर नहुदा दलित बालबालिकाहरु खुल्ला आकाश मुनि भुइमै बोरा र चकटी ओछ्याएर पढ्दै आएका थिए । जसका कारण अत्याधिक जाडो , घाम लागेको वा पानी परेका बेला ट्युसन कक्षा नै बन्द गर्नु पर्ने बाध्यता थियो ।
तर अब केन्द्र सन्चालनका लागि कच्ची नै भएपनि घर निर्माण भएपछि प्रतिकुल मौसममा पनि ट्युसन कक्षा सन्चालन गर्न सकिने र यसले बालबालिकालाइ पठनपाठनमा धेरै सहज हुने रामलले बताए ।
मङगलबारको उद्घाटन कार्यक्रममा तिम्सिना दम्पति , जग्गा उपलब्ध गराउने राम दम्पति , उनीहरुका छोरा रामचन्द्र राम ,दिपेन्द्र राम, पारमानन्द राम, सन्जोग राम, सुरेन्द्र पासवान , अशोक राम, शिव राम लगायतलाइ प्रशंसापत्रले सम्मानित पनि गरिएको छ ।
पिस फोर दलित फाउन्डेसन नेपालका अध्यक्ष रामका अनुसार , गरिबीका कारण पर्सा जिल्लामा करिब १ हजार भन्दा बढि दलित बालबालिका विधालय शिक्षाको पहुच बाहिर छन् । विधालयमा भर्ना भएका कतिपय दलित बालबालिका विद्यालयमा निरन्तरता पनि छैन ।
तीनै बालबालिकालाइ लक्षित गरि फाउण्डेशनले जिल्लाका विभिन्न पालिकाका दलित वस्तीमा निशुल्क टियुसन कक्षा केन्द्र संचालन गरिरहेको रामले बताए । विभिन्न सहयोगी दाताहरुसंग सहयोग लिएर यो अभियान संचालन गरिएको पनि उनले बताए ।