माधुरी महतो
वीरगंज असार २९ , २०७९ प्रहरीले हुण्डी कारोबारको अभियोगमा २० लाख नगद रकम सहित २ जना भारतीयलाई पक्राउ गरेको छ ।
पर्सा प्रहरीले वीरगञ्ज महानगरपालिका–१६ रजतजयन्ती चोकमा नियमित चेकजाँचको क्रममा भारतको रक्सौलबाट वीरगंजतर्फ आउँदै गरेको अवस्थामा नियन्त्रणमा लिएको हो ।
पक्राउ पर्नेहरुमा भारतको विहार पुर्वी चप्कारण जिल्ला मोतिहारी थाना रक्सौल वडा नम्बर २० का २८ वर्षिय संजित कुमार र सोही स्थानका २४ वर्षिय अनुराग मिश्र रहेका छन् ।
उनीहरुमाथि बैंक तथा वित्तिय ऐन सम्बन्धी कसुर सम्बनिधी मुद्धा गराई थप अनुसन्धान भईरहेको पर्सा प्रहरीका प्रवक्ता एव् प्रहरी नायब उपरीक्षक ओम प्रकाश खनालले जानकारी दिए ।
सिमावर्ती भारतको रक्सौलबाट नेपालको वीरगञ्जतर्फ आउँदै गरेको BR0 5 U 3500 नम्बरको सुपर स्प्लेण्डर मोटरसाईकल रोकी चेकजाँच गर्दा दुवै जनाले लगाएको पाइन्टको दुवै खल्ती, कम्मर पेटीमा पटुका बाँधी र हेलमेटको भित्री भागमा लुकाई छिपाई ल्याईरहेको अवस्थामा उनीहरुलाई पक्राउ गरीएको प्रहरीले जनाएको छ ।