मधेसखबर
वीरगन्ज,२४जेठ: भारतीय सीमा सुरक्षाकर्मी (एसएसबी) को कुटाइबाट बारामा एक नेपाली नागरिक घाइते भएका छन् ।
मटिअर्वा नाकामा एसएसबीको कुटाइबाट बाराको कलैया उपमहानगरपालिका वडा नम्बर १० निवासी सजिल मियाँ घाइते भएका हुन् ।
मटिअर्वा नाका हुँदै भारतको आदापुरमा बिहेको सामान खरिद गर्न जान लागेका मियाँलाई नाकामा खटिएका भारतीय सुरक्षाकर्मीको टोलीले निर्घात कुटपिट गरेको हो ।
कुटपिटबाट घाइते मियाँको कलैयाको अस्पतालमा उपचार भइरहेको छ ।
भारतीय एसएसबीको ज्यादतीको बिरोधमा स्थानीयले मटिअर्वा नसकामा भारतीय प्रहरीको गाडी तोडफोड गरेका छन् ।
ज्यादतीको बिरोधमा उत्रिएका स्थानीयले नाकामा प्रदर्शन गर्दै कुटपिटमा संलग्न भारतीय सुरक्षाकर्मीलाई कारवाहीको माग गरेका छन् ।