मधेसखबर
वीरगन्ज,१६जेठ :पर्साको ग्रामीण भेगबाट प्रहरीले नेपाली नक्कली नोटको कारोबार गर्ने दुइ जना युवकलाइ पक्राउ गरेको छ ।
पक्राउ पर्नेहरुमा पर्साको बहुदरमाइ नगरपालिका वडा नम्बर ८ का १९ वर्षिय राजाबाबु साह तेली र पटेर्वासुगौली गाँउपालिका घर भइ हाल बहुदरमाइ नगरपालिका ८ मै बस्दै आएका २० वर्षिय अजय सहनी रहेका छन् । उनिहरुको साथबाट नेपाली एक हजार दरको २० थान नक्कली नोट बरामद भएको प्रहरीले जनाएको छ ।
पर्साको जगरनाथपुर गाउँपालिका वडा नम्बर ६ मा लागेको दुर्गा भगवती मेलामा नक्कली नेपाली नोट साट्दै गरेको अवस्थामा ईलाका प्रहरी कार्यालय पोखरियाबाट खटिएको टोलीले दुवै जनालाइ मेलाबाटै नेपाली १ हजार दरको २० थान नोट सहित पक्राउ गरेको हो । पक्राउ परेका दुवै जनालाइ ईलाका प्रहरी कार्यालय पोखरियाको हिरासतमा राखेर मुद्रा सम्बन्धी कसूरमा अनुसन्धान अगाडि बढाइएको पर्साका प्रहरी नायव उपरिक्षक ओमप्रकाश खनालले जानकारी दिए ।