मधेसखबर
वीरगन्ज,१५जेठः पोखराबाट जोमसोमका लागि उडेको तारा एयरको विमान सम्पर्क बिहिन भएको छ ।
पोखरा विमानस्थलबाट १९ जना यात्रु बोकेर आइतबार बिहान ९ बजेर ५५ मिनेटमा जोमसोमका लागि उडेको तारा एयरको विमान सम्पर्क विहीन भएको हो । जोमसोम विमानस्थलमा बिहान १० बजेर २० मिनेटमा अवतरण हुनुपर्ने विमान बिहान सवा ११ बजिसक्दा पनि सम्पर्कमा आएको छैन ।
तारा एयरका प्रवक्ता सुदर्शन बर्तौलाका अनुसार उक्त विमानमा क्याप्टेन प्रभाकरप्रसाद घिमिरे, को–पाइलट इतासाप पोखरेल र एयर होस्टेज कास्मी थापा थिए । उक्त जहाजमा १३ नेपाली, चार भारतीयसहित २ अन्य देशका नागरिक थिए ।
पोखरा विमानस्थलका प्रमुख विक्रमराज गौतमले जहाज टावरको सम्पर्क बाहिर भएको पुष्टि गरे ।