मधेसखबर
वीरगन्ज,२७ बैशाख :पर्साको पोखरिया नगरपालिकामा नेपाली काँग्रेसले चुनावी प्रचार प्रसारको अन्तिम दिन मङगलबार घरदैलो र मतदाता भेटघाट कार्यक्रमलाइ तिब्र पारेको छ ।
काँग्रेसले मङगलबार बिहानै वडा नम्बर ९ र १० का विभिन्न टोल र गाँउमा उम्मेदवार र जिल्ला स्तरका नेताहरुको सहभागीतामा घरदैलो गर्दै मतदाताहरुसंग भेटघाट कार्यक्रम गरेको छ ।
पोखरीया नगरपालिकाको काँग्रेसका मेयर उम्मेदवार दिपनारायण रौनीयार , उपमेयर रेहाना खातुन सहित काँग्रेस नेता कार्यकर्ताहरुले दुवै वडाका हरेक मतदाताको घरमा पुगेर काँग्रेसका उम्मेदवारलाइ जिताउन आग्रह गरे ।
पोखरिया नगरपालिकालाई आधुनिक , सुन्दर र विकसित नगर बनाउन काँग्रेसका उम्मेदवारलाइ जिताउनै पर्ने चुनावी घरदैलोमा सहभागी काँग्रेस नेता कार्यकर्ताहरुले मतदातालाइ भनेका थिए ।
मेयरका उम्मेदवार रौनीयारले मङगलबार राति देखि मौन अवधी शुरु भएपछि प्रचार प्रसार बन्द हुने भएकाले मङगलबार बिहान देखि बेलुकी सम्म घरदैलो र मतदाता भेटघाट कार्यक्रमलाइ जारी राख्ने बताए ।
उनले नगरपालिकाका १० वटै वडामा पुगेर मतदातासंग भेटघाट गरिसकेको र त्यस क्रममा जनताको समर्थन काँग्रेसलाइ नै रहेको पाएको दाबी पनि गरे ।
मङगलबार बिहानको चुनावी घरदैलो कार्यक्रममा काँग्रेसका जिल्ला उपसभापति अशोक कुमार गुप्ता, महाधिवेशन प्रतिनिधी रामरुप कुर्मी , नेताहरु वीरेन्द्र पाण्डे लगायतको पनि सहभागीता रहेको थियो ।