मधेशखबर
बैशाख १९, २०७९ सोमबार
प्रहरी अतिरिक्त महानिरीक्षक विश्वराज पोखरेलले दायर गर्नुभएको रिट सर्वोच्च अदालतमा दर्ता भएको छ । नेपाल प्रहरीको महानिरीक्षक नियुक्ति गर्ने निर्णय बदरको माग सहित दायर गर्नुभएको रिट सर्वोच्च अदालतमा दर्ता भएको छ ।
आफू भन्दा कनिष्ठ एआईजीलाई सरकारले विधि मिचेर बढुवा गरेको भन्दै प्रहरी अतिरिक्त महानिरीक्षक पोखरेलले सर्वोच्चमा रिट दायर गरेका हुन् । पोखरेलको रिट दर्ता भएर पर्सि बुधवारका लागि पेसी तोकिएको जनाईएको छ । मन्त्रिपरिषद्को आईतबारको बैठकले प्रहरी अतिरिक्त महानिरीक्षक एआईजी धिरज प्रताप सिंहलाई प्रहरी अतिरिक्त महानिरीक्षक आईजीपी बनाउने निर्णय गरेको थियो ।