मधेसखबर
वीरगन्ज, १८ बैशाख :नेपाली कांग्रेसले अरु दलहरुले निर्वाचन आचारसंहिताको ठाडो उल्लंघन गर्दा पनि निर्वाचन आयोग मौन बसेको आरोप लगाएको छ ।
एमाले सहितका अन्य दलहरुले ठाडो आचारसंहिता उल्लंघन गर्दा पनि कुनै प्रकारको कारबाही नभएको भन्दै काँग्रेसले निर्वाचन आयोगको आलोचना पनि गरेको छ ।
आइतबार काठमाण्डौको सानेपा स्थित पार्टी कार्यालयमा पत्रकार सम्मेलन नै गरेर काँग्रेस प्रवक्ता प्रकाश शरण महतले निर्वाचन आयोग काँग्रेससंग पूर्वाग्रह बनेको आरोप पनि लगाए ।
महतले भने ,‘ कांग्रेसले केहि नगर्दापनि निर्वाचन आयोगले स्पष्टिकरण सोध्यो , तर विपक्षी एमाले लगायतका अन्य दलहरुले ठाडै आचारसंहिता उल्लंघन गर्दिा पनि आयोग मौन बसेको छ ।
पत्रकार सम्मेलनमा काँग्रेस प्रवक्ता महतले पार्टीको निर्णय विपरीत उम्मेदवारी दिने नेता कार्यकर्तालाइ कारबाही हुने बताए ।
तर उम्मेदवारी दिएर पछि फिर्ता लिएकाहरुलाइ भने कारबाही नहुने उनले प्रष्ट पारे ।