श्याम सर्राफ
पर्सा, १४ असार
पर्सा प्रहरीले १७ लाख बराबरको कम्प्युटर पार्टसहरु बरामद गरेको छ।
सूचना परिचालन तथा प्रहरी कारवाहीको सिलसिलामा हिजो राती वीरगञ्ज महानगरपालिका वडा नं.१६ नगवा स्थित ४० फिटे सडक खण्डमा ५/७ जना परिचय खुल्न नसकेका मानिसहरुले भारतबाट भन्सार छली बोकी ल्याइरहेको कम्प्युटर पार्टसहरु बरामद गरिएको छ।
जिल्ला प्रहरी कार्यालय पर्सा बाट्ट खटेको प्रहरी टोलीलाई देख्नासाथ पार्टसहरू छाडी फरार भएपछि कम्प्यूटरका पार्टसहरु वेवारिसे अवस्थामा बरामद गरी अन्दाजी मूल्य रू.१७,००,०००।-( सत्र लाख) मूल्याङ्कन गरिएको छ।
बरामद गरिएका डेल कोर आई ५ सिपियु ४५ थान, सिगेट कम्पनीको हार्ड डिस्क ७५ थान रहेको र आवश्यक कारवाहीको लागि आजै वीरगञ्ज भन्सार कार्यालयमा बुझाइएको जिल्ला प्रहरी कार्यालय पर्साले जनाएको छ।