बारा,३ भदौं : बाराको निजगढ नगरपालिका–७ स्थित सुपर मार्केट नजिकै पूर्व–पश्चिम राजमार्गमा मोटरसाइकलको ठक्करबाट घाइते भएका एक वृद्धको उपचारका क्रममा मृत्यु भएको छ।मृत्यु हुनेमा निजगढ नगरपालिका–९ निवासी ७५ वर्षीय चन्द्रबहादुर श्रेष्ठ रहेका छन् । वीरगन्जस्थित बयोधा मेडिसिटी हस्प्टिलमा उपचारका क्रममा मंगलबार राति उनको मृत्यु भएको हो ।
भदौ २ गते साँझ चन्द्रनिगाहपुरबाट निजगढतर्फ आउँदै गरेको ना.४८ प ५६९३ नम्बरको मोटरसाइकलले साइकलयात्री श्रेष्ठलाई पछाडिबाट ठक्कर दिएको थियो।मोटरसाइकलको ठक्करबाट गम्भीर भाइते भएका श्रेष्ठलाई उपचारका लागि वीरगन्ज ल्याइएको थियो।अस्पतालमा उपचाररत श्रेष्ठको मंगलबार राति उपचारकै क्रममा मृत्यु भएको प्रहरीले जनाएको छ।