वीरगन्ज,१३ साउनः जिल्ला प्रहरी कार्यालय पर्साका प्रमुख (एसपी) सुदीपराज पाठकको सरुवा भएको छ ।वीरगन्जको नारायणी अस्पताल प्रकरणमा विवादमा परेका एसपी पाठकलाई प्रहरी प्रधान कार्यालयले प्रहरी हेडक्वार्टरमा सरुवा गरेको हो । उनको ठाउँमा प्रहरी प्रधान कार्यालयले हाल काठमाडौँ प्रहरी परिसरको प्रवक्ताको जिम्मेवारी सम्हालेका एसपी पवन भट्टराईलाई सरुवा गरेर पर्सामा पठाएको छ ।
गत शनिबार नारायणी अस्पतालमा उपचारका क्रममा एक बिरामीको मृत्युपछि अस्पतालमा तोडफोड र चिकित्सकमाथि निर्घात कुटपिट भएको थियो । त्यसको विरोधमा वीरगन्जका सबै अस्पतालका चिकित्सकहरु गत आइतबारदेखि उपचार सेवा ठप्प पार्दै हडतालमा छन् ।
त्यहि विषयमा गत सोमबार जिल्ला प्रशासन कार्यालयमा भएको वार्ताका क्रममा एसपी पाठकले आन्दोलनरत चिकित्सकहरुमाथि दुव्र्यवहार गरेको भिडियो सामाजिक सञ्जालमा भाइरल बनेको थियो ।
जिल्ला प्रहरी कार्यालय पर्साको प्रमुखको जिम्मेवारी करिब साढे ९ महिना सम्हालेका एसपी पाठकलाई प्रहरी प्रधान कार्यालयले गत असोज पहिलो साता सरुवा गरेर पर्सामा पठाएको थियो ।