जनकपुरधाम, ७ जेठः जनता समाजवादी पार्टी नेपाल (जसपा नेपाल) को मधेस प्रदेशको संसदीय दलको नेतामा पूर्वमुख्यमन्त्री सरोज यादव चयन भएका छन् ।
पछिल्लो समय लोकतान्त्रिक समाजवादी पार्टी (लोसपा) समहाति भएपछि जसपा नेपालको संसदीय दलको नेता चयनका लागि बिहीबार बसेको बैठकले यादवलाई संसदीय दलको नेतामा सर्वसम्मत चयन गरेको हो । यादव, बारा जिल्ला निवासी हुन् ।
मधेस प्रदेश सभा संसदीय दलको कार्यालयमा बिहीबार बसेको बैठकले यादवलाई संसदीय दलको नेतामा सर्वसम्मत चयन गर्ने निर्णय गरेको पूर्व अर्थमन्त्री एवं प्रदेश सभा सदस्य सन्जय कुमार यादवले जानकारी दिए।
जसपा नेपालका १८ र लोसपाका ८ गरी मधेस प्रदेश सभामा हाल संयुक्त रूपमा २६ जना प्रदेश सभा सदस्य रहेका छन्।