वीरगन्ज,११वैशाखः जिल्ला प्रशासन कार्यालय पर्साले गण्डक नहर क्षेत्र अतिक्रमण गरेर बनाइएका संरचनाहरू हटाउने तयारी गरेको छ ।
वीरगन्जको गण्डक चोकदेखि जानकी टोला हुदैं इनरवासम्म फैलिएको करिब २६ किलोमिटर नहरको क्षेत्रभित्र नहर किनारामा बनेका घर, टहरा तथा अन्य संरचनाहरू हटाइने प्रमुख जिल्ला अधिकारी भोला दाहालले जानकारी दिए ।
उनका अनुसार आइतबारदेखि अतिक्रमित संरचना भत्काउने काम औपचारिक रूपमा सुरु गरिनेछ । यसका लागि प्रशासन, सुरक्षा निकाय तथा सम्बन्धित सरोकारवालाबिच समन्वय गरी विशेष कार्य योजना तयार गरिएको छ ।