वीरगन्ज,२२चैत: पर्साका सहायक प्रमुख जिल्ला अधिकारी सुमन कुमार कार्कीकाे संखुवासभामा सरुवा भएको छ।गृह मन्त्रालयले कार्कीलाई संखुवासभाको सहायक प्रमुख जिल्ला अधिकारीको जिम्मेवारी दिएको हाे ।
उनकाे स्थानमा बैतडीका प्रमुख जिल्ला अधिकारी कृष्ण थापालाई पर्सा जिल्लामा गृह मन्त्रालयले पठाएको छ।
गृहमन्त्रालयले आइतबार मातहतका ४ सहसचिव र ३ उपसचिवको सरुवा/पदस्थापन गरेको हाे ।
चैत २२ गतेको निर्णयअनुसार गउह मन्त्रालयले प्रकाश पौडेललाई कसूरजन्य सम्पत्ति व्यवस्थापन विभागको महानिर्देशकमा पदस्थापन गरेको छ ।
यस्तै डा. डिजन भट्राईलाई जिल्ला प्रशासन कार्यालय बैतडीको प्रमुख जिल्ला अधिकारीकका रुपमा पदस्थापन गरेको छ। खडानन्द अधिकारीलाई जाजरकोट प्रशानमा पदस्थापन गरेको छ ।
कसूरजन्य सम्पति व्यवस्थापनका महानिर्देशक सुमन घुमिरेलाई गृहमन्त्रालयमा सरुवा गरेको छ भने जाजरकोटका प्रमुख जिल्ला अधिकारी राजु प्रसाद पौडेललाई इलाममा सहायक प्रमुख जिल्ला अधिकारीको जिम्मेवारी दिइएको छ ।