वीरगन्ज ५,फागुन: पर्सा निर्वाचन क्षेत्र नम्बर ४ का उम्मेदवार रमेश रिजालले ठोरी गाउँपालिका वडा नं. ३ मा घरदैलो तथा जनसम्पर्क कार्यक्रम सम्पन्न गरेका छन्।
घरदैलोका क्रममा रिजालले स्थानीय नागरिकसँग प्रत्यक्ष भेटघाट गर्दै उनीहरूको समस्या, आवश्यकता र सुझाव सुनेका थिए। स्थानीयले सडक, शिक्षा, स्वास्थ्य सेवा तथा रोजगारीका विषयलाई प्राथमिकताका साथ उठाएका छन्।
उम्मेदवार रिजालले जनताको विश्वास र साथले मात्र विकास सम्भव हुने भन्दै आगामी दिनमा स्थानीय आवश्यकता अनुसार योजनाहरू अघि बढाइने प्रतिबद्धता व्यक्त गरे।
घरदैलो कार्यक्रममा युवाहरू, महिला तथा जेष्ठ नागरिकको उल्लेखनीय सहभागिता रहेको थियो। स्थानीयले परिवर्तन र विकासको आशासहित रिजाललाई समर्थन गर्ने संकेत गरेको अभियान टोलीले जनाएको छ।