वीरगन्ज,६चैत:वीरगन्ज महानगरपालिका वडा नम्बर २७ उदयपुरघुर्मीमा स्वास्थ्य चाैकी भवन निर्माण गर्न थालिएको छ।वीरगन्ज महानगरपालिकाले उदयपुरघुर्मीमा १ कराेड ४ लाख २८ हजार रुपैयाँको लागतमा सुविधा सम्पन्न स्वास्थ चाैकी भवन निर्माण गर्न थालेकाे हाे।
बुधबार वीरगन्ज महानगरपालिकाका मेयर राजेशमान सिंहले उक्त स्वास्थ्य चाैकी भवनकाे शिलान्यास गरेका हुन्।महानगरका ग्रामिण भेगका वडाका नागरिकलाई लक्षित गरेर बर्थिङ सेन्टरसहितकाे सुविधा सम्पन्न स्वास्थ्य चाैकी भवन निर्माण गर्न थालिएको मेयर सिंहले बताए ।
स्वास्थ्य चाैकी भवन निर्माणको ठेक्का सिनाया कन्स्ट्रक्सन पर्साले सकारेको छ । सम्झौता अनुसार भवनको निर्माणकार्य आगामी असार १५ गतेसम्म सकिनु पर्ने जनाइएको छ ।
शिलान्यास कार्यक्रममा वीरगन्ज महानगरपालिकाका प्रमुख प्रशासकीय अधिकृत अरविन्द लाल,याेजना प्रमुख अवधेश कुशवाहा,प्रकाश अमात्य,हरि पाेखरेल कर्ण,वीरगन्ज-५ का वडाध्यक्ष प्रदीप चाैरसिया लगायतकाकाेपनि उपस्थिति रहेकाे थियाे।