वीरगन्ज,११ कात्र्तिकःसंघीय सरकारका खानेपानी मन्त्री प्रदीप यादवले शिक्षालाई केवल प्रमाणपत्र नभई जीवन बुझ्ने र समाधान खोज्ने सीपको रूपमा लिनुपर्ने बताएका छन् ।
आइतबार वीरगन्जस्थित ओम नेशनल एकेडेमीद्वारा आयोजित कक्षा ११ का विद्यार्थीहरूको स्वागत कार्यक्रमलाई सम्बोधन गर्दै मन्त्री यादवले विद्यार्थीहरूलाई अनुशासन, मेहनत र आत्मविश्वासका साथ आफ्नो लक्ष्य हासिल गर्न प्रेरित गर्दै शिक्षालाई केवल प्रमाणपत्र नभई जीवन बुझ्ने र समाधान खोज्ने सीपको रूपमा लिनुपर्ने बताए।उनले भने,‘“विद्यार्थी जीवनमा आफूभित्रको नेतृत्व क्षमता र सृजनशीलता विकास गर्न विशेष ध्यान दिनुपर्छ,” ।
मन्त्री यादवलले विद्यार्थीहरूलाई विद्यालयले दिएको ज्ञान र जीवन पाठले आगामी जीवनको हरेक मोडमा मार्गदर्शन रूपमा प्रयोग गर्न आग्रह गरे। साथै आइपर्ने चुनौतीहरूको सामना गर्दै देश र समाजको सेवा गर्ने सोच राख्नपनि उनले सुझाए ।
मन्त्री यादवले विदेशमा मात्रै अवसर नखोजेर देशमै केही नयाँ गर्न युवाहरूले अग्रसरता लिनुपर्नेमा जोड दिए। “तपाईँहरूको सोच र मेहनतले देशको भविष्य निर्माणमा ठूलो योगदान पु¥याउन सक्छ,” उनले भने ।जनता समाजवादी पार्टी (जसपा) का उपमहासचिव समेत रहेका यादवले विद्यालय र अभिभावकहरूको योगदानप्रति आभार प्रकट गर्दै विद्यार्थीहरूलाई सफल शैक्षिक यात्रा तय गर्न शुभकामना पनि व्यक्त गरे ।
कार्यक्रममा वीरगन्ज महानगरका मेयर राजेशमान सिंहले विद्यालय र अभिभावकहरूको योगदानको प्रशंसा गर्दै विद्यार्थीहरूलाई आफ्नो अध्ययनसँगै समाजप्रति जिम्मेवार हुन र नेतृत्वको भूमिकामा सहभागी हुन प्रेरित गरे ।