वीरगन्ज,४कार्तिकःहिन्दु धर्मको मानमर्दन हुने गरी सार्वजनिक कार्यक्रममा अभिव्यक्ति दिनेलाई कारबाही गर्न विश्व हिन्दु परिषद नेपालले माग गरेको छ ।
वीरगन्जमा केहिदिन पहिले आयोजित नेपाल मुस्लिम संघ पर्साको कार्यक्रममा जफर अन्सारीले वीरगन्जमा निकालिने हिन्दू धार्मिक र्याली र रथयात्रालाई अराजक भनेकोले उनलाई कारबाहीको माग गर्दै हिन्दु परिषद पर्साका अध्यक्ष ब्रिजेश कुमार मल्लिकले कारबाहीको माग गर्दै आइबार पर्साका प्रमुख जिल्ला अधिकारी दिनेशसागर भुसाललाई ज्ञापनपत्रपनि बुझाएका छन् ।
जफर अन्सारीको उक्त अभिव्यक्ति गैरजिम्मेवार, अपमानजनक र असहिष्णु रहेको भन्दै विश्व हिन्दु परिषदले यसले समाजमा धार्मिक वैमनस्यता, द्वन्द्व, र विखण्डन ल्याउने खतरा रहेकाले त्यस्ता अभिव्यक्ति दिने व्यक्तिविरुद्ध कानुनी कारबाही गर्न माग गरेकोे छ । कारबाही नगरिए सम्पूर्ण हिन्दू समाज एकत्रित भई आन्दोलनमा उत्रिने चेतावनीसमेत परिषदले दिएको छ ।