वीरगन्ज,२७असाेज:मधेस प्रदेश स्तरीय अण्डर-१९ क्रिकेट छनाैट प्रतियाेगिताकाे आफ्नाे पहिलाे खेलमा पर्सा विजयी भएकाे छ।बाराको कलैयामा जारी प्रतियोगितामा आइतबार भएकाे खेलमा पर्साले सिरहालाई ५ विकेटले पराजित गरेकाे हाे।
सिरहाले दिएकाे १०१ रनकाे लक्ष्य पर्साले १८.२ ओभरमा ५ विकेट गुमाएर पूरा गर्याे ।उसका लागि शेख इमरानले ३८ ,अनुज चाैहानले २२ र सफवान अलीले अविजित १८ रन बनाए।
बलिङतर्फ सिरहाका लागि अफरुदिन रैनले ३ तथा नुमाद अहमद र जय दासले समान १/१ विकेट लिए ।
त्यसअघि टस जितेर पहिले ब्याटिङ गरेकाे सिरहाले ३७.३ ओभरमा अलआउट हुदै १०० रनमात्र बनाएको थियाे ।उसका लागि शैलेन्द्र साहले ५४ र कमरुदिन सिद्धिकीले १० रन बनाउनु बाहेक अन्य ब्याट्सम्यानले दाेहाराे अंक छुन सकेनन् ।
बलिङतर्फ पर्साका लागि रन्जित कुमार एक्लैले ५ विकेट लिए भने चन्दन राम,अरबाज अन्सारी,अनुज चाैहान र साेनु कुशवाहाले समान १/१ विकेट लिए ।
मधेस प्रदेश क्रिकेट संघले आयाेजना गरेकाे प्रतियोगितामा प्रदेशका ८ वटै जिल्लाकाे टिम सहभागी छन्।असाेज १९ देखि सुरु प्रतियोगिता असाेज २९ गतेसम्म चल्ने पर्सा क्रिकेट संघका प्रशिक्षक प्रकाश शर्माले जानकारी दिए।